Auguste Piccard

Auguste Antoine Piccard, nado en Basilea o 28 de xaneiro de 1884 e finado o 24 de marzo de 1962, foi un físico, inventor e explorador suízo, coñecido polos seus récords de altura en voos en globo aerostático, cos que estudou a atmosfera superior da Terra e os raios cósmicos, así como pola invención do primeiro batiscafo, ''FNRS-2'', co que realizou varias inmersións non tripuladas en 1948 para explorar as profundidades mariñas.

En 1930 deseñou unha góndola esférica presurizada de aluminio que lle permitia ascender a grandes altitudes sen precisar dun traxe presurizado. O 27 de maio de 1931 Piccard e Paul Kipfer engalaron dende Augsburg, Alemaña, acadando unha altitude de 15 781 m. O 18 de agosto de 1932, engalando dende Dübendorf, Suíza, Piccard e Max Cosyns acadaron un novo récord de 16 201 m. En total realizou 27 voos en globo, deixando o récord nunha marca de 23 000 m. Provided by Wikipedia